Трэнд сезона – “Клуб кніжных прафесараў”

У Нацыянальнай бібліятэцы Беларусі стартуе запіс у «Клуб кніжных прафесараў». Музейныя заняткі разлічаны на дзяцей 5–12 гадоў. 

«Ты чым учора займаўся? Быў у Нацыянальнай бібліятэцы? Бачыў кнігі, якім 500 гадоў? І ты сябра Клуба? Класна!»

 Серыя «Клуб кніжных прафесараў» з’яўляецца суцэльным курсам і ўключае дзевяць заняткаў. На працягу навучальнага года дзеці наведваюць Музей кнігі Нацыянальнай бібліятэкі Беларусі кожны месяц. Праграма пачынаецца ў верасні 2018 г. і завяршаецца ў траўні 2019 г.

 На занятках, якія праводзяцца ў даступнай і займальнай форме, дзеці здзейсняць вандраванне ў гісторыю кнігі, атрымаюць новыя веды пра багацце і разнастайнасць беларускай кніжнай культуры. Заняткі ўключаюць інтэрактыўныя экскурсіі, майстар-класы, творчыя заданні і гульні. Атрыманню ведаў спрыяюць незвычайная музейная атмасфера, сяброўскія ўзаемаадносіны, дзе кожнае дзіця выяўляе сябе вольна, і ў той жа час усе захоплены агульнай справай. Дзеці стануць не толькі гледачамі, якія пазіраюць на прадметы ў вітрынах, але і актыўнымі ўдзельнікамі працэсу спазнання кнігі.

Тэмы заняткаў:

1. Бібліятэка – дом, дзе жывуць кнігі.
2. Узнікненне і развіццё пісьма.
3. Формы і матэрыялы кнігі.
4. Кніга ператварэнняў.
5. Папяровыя цуды.
6. Рукапісная кніга.
7. Ёган Гутэнберг.
8. Францыск Скарына.
9. Біблія Францыска Скарыны.

Групы фарміруюцца ў залежнасці ад ўзросту ўдзельнікаў. Для запісу просім паведаміць імя і ўзрост дзіця, зручны дзень і час для заняткаў, e-mail для сувязі.

Запіс і кантактная інфармацыя:
Таццяна Сапега, каардынатар праекта,
тэлефоны: (8 017) 293 27 82, (8 025) 994 21 12,
e-mail: sapega@nlb.by
https://www.facebook.com/taciankasapieha